على ماسنجري جتني اضافة
وأنا من عادتي فيني لقافه
قبلت الدعوة وقلت أنت من هو
وش أسمك كان مافيها كلافه
وردّت لي وهي تكتب بالأحمر
أنا حرمة ومدّت فالمسافه
أنا إيمان من دولة شقيقة
وقلت أهلين وأبديت الضيافه
هلا بالورد ياأهلا وسهلا
هلا باللي يسوّون الكنافه
هلا بك آمري سمّي وقولي
ابي أخدمك لو هو شي تافه
وردّت ماأبي خدمة ولكن
ابتناقش معك حول الثقافه
وبنت الناس ذي قامت تسولف
وأنا حبّيتها والحب آفه
تسولف عن شهر زاد وشظايا
وتتكلّم عن عيوب الصحافه
ورحت مغيّر الموضوع وأدخل
في موضوع الهوى، قالت سخافه
وقلت شلون؟؟؟ عنتر حبّ عبلة
وقالت طير ياعمّي خرافه
أنا غلطانة أصلاً يوم أضفتك
وسوّت لي حظر بعد الإضافه