جربّت أحب انسان ثاني على شان
أثبت لك إني أقدر أحب ثاني
لفيّت هالدنيا أدوّر على انسان
لو كل هالعالم جفوا ماجفاني
يسهر عشان الحب وأصير سهران
لامن في يوم احتجت له قال كاني
لاغبت عنه أيام رديّت ولهان
وإن غاب له يومين بالشوق جاني
أبيه مايكذب ولاهو بخوّان
واحد إلى منّه هواني هواني
لفيّت هالدنيا ولا شفت خلان
شفت البشر نوعين قاسي وأناني
عادي تشوف الظلم فعيون الأخوان
عادي تمدّ العون وتصير جاني
اللي جهل فالدين كاسيه الإيمان
واللي يعرف الدين يسمع أغاني
عادي يجيك إنسان محتاج لإحسان
وتصدّ عنه وتدري إنّه يعاني
هذا زمنّا غير عن كل الأزمان
ماعاد فيه أحباب قاصي وداني
ومادام قلبي صار موطن للأحزان
وشلون ابفرح والحزن مانساني