يعينك الله يا قلبي على أحبابك
اصبر على الظلم الين الله يسويها
إن جيت للي تحبه قال وش جابك
ابسط حقوقك يا قلبي ما يراعيها
يا عز ها الناس قلبي وش سوابك
وش مكسبك من عيوني يوم تشقيها
عمر المطر يوم ما وقف على بابك
لو هي بتمطر بانت من عصاريها
كنت احسبني سكنت رعشة أهدابك
كنت احسبني أمانيها وما فيها
لا وحسافة على صوت تغنابك
كم من مواويل لعيونك تغنيها
ماني مصدق يا قلبي كيف يسخابك
يهدم حياتك يا قلبي وانت تبنيها
معقول هذا يجي من أقرب أصحابك
صحيح من قال حاميها حراميها