يهون عليك ترحل ما أشوفك
يهون عليك ما تودع حبيبك
دموعي حلمها تلمس كفوفك
عسى ماصاب عيني ما يصيبك
سألتك بالذي ميز جمالك
تخلي صورتي دايم قبالك
وأنا ما في ايدي إلا وصيه
على نفسك حبيبي خلي بالك
أنا محتاج لقربك وعونك
لان العمر ذا يقصر بدونك
أنا مالي أحد في الدينا غيرك
أنا مالي عيون إلا عيونك
أنا صحراء أملها في سحابك
أنا فيني جروح كثر مابك
تعال لو تبا تعذيب روحي
عذابك عندي أهون من غيابك