بلاش أصحاب خلينا صداقة فيس وتعدّي
وإذا هزّك حنينك دونك التعليق وإعجابك
تعب فكري يفكربك وأنا أشوفك معي تردي
تعب حتى السؤال اللي برد وجهه على بابك
أنا المحقوق واستاهل جهلت ابخوّتك حدّي
أضيق بساع ل اشتقتك واسوق البوح لعتابك
خطاي انّي على النية أحاسيسي حلم وردي
أجي كلي من اللهفة إذا طوّلت بغيابك
نسيت انّي قصير ذراع ولحافي على قدّي
أخو دنيا وضنيتك واثاري الغير أولابك
تصدق عاد يالخايب أنا ودّي ولا ودّي!
عن ارفوف الرّضا أمسح بصدي تالي ترابك
أنا بتبع هواجيسي معاها وين م تودّي
ولا عاد أنشدك وينك خذاك الوقت أو جابك
صداقة فيس مثل أوّل بلاش أصحاب وتعدّي
وإذا هزّك حنينك دونك الكومنت وإعجابك