جمال دبي يالغالي يباله يلسة العرقوب
واشم احلى النسيم اللي يزاغي شجرة فجيرة
ربيت بعز هالديره وعانقنا الشعور قلوب
رسمت السهم من زود الحنين لشارع الديره
مباني كنها رسمه ورسام الوطن محبوب
عظيم الشان له هيبه وكاتب بالفخر سيره
بوخالد قايد الامه فهيم بحنكه واسلوب
وهذا المدح له وحده بوخالد مانبي غيره
حبيب الشعب والدنيا تزين بطلة المهيوب
خصوصاً لا نطق اسم البلاد وشافته طيره
تطير تعانق اغصان التطور والعلم منصوب
وابطال الوطن فيهم شهامه ترابع الغِيره
دبي الفاتنه جنه وعيمان الامان دروب
وكنها بوظبي قطعة جنان تحيّر الحيره
احب الشارقة والحب يغطي هالوطن كالثوب
على ام القيوين انسير وخيمتنا مع السَيره