بهديك ورد بعيد ميلادك اليوم
يا وردة الخافق وضحكة زماني
لجلك باغني واطرب الكل ملزوم
واشلون مو ملزم وانتي الاماني
انتي غلاي وبهجتي.. ضي النجوم
انا معاك اغدو من الفرح باني
باني الشعور اللي على القلب مختوم
باسمك وهمسك معْ مزون الحناني
اليوم يومك هاك من قلبي اغيوم
فيها غرام القلب لك جاي عاني
يهديك من واد الغلا حب مردوم
بانسام عطرك يالنسيم الهتاني
انتي مكانك بين الاضلاع مرسوم
وانتي معاي القى العمر شي ثاني
القى الفرح للقلب صايرله اهدوم
والقى الزهر ينبت بوسط العياني