دبي دار الحي واحلى البلادين
... والعين دار الزين ارض القيادات
هذي ربوع العاصمه يالمحبين
والشارجه تزهو بنور المنارات
مرباي في عيمان دهرٍ ودهرين
وام القيوين العز فوق المجرات
الخور فيها النهر بين البساتين
والذيد اهل الطيب يْا اهل المروات
اهل الفجيره الغاليه بالشرايين
وبراس خيمتنا متاحف ومولات
يفز قلبي من حلاها مع العين
وافرح من الخاطر بحي الغويفات
فواز بن خالد شعوره تلاحين
واحلى القصايد طايره كالحمامات
اشعل شموع العيد مره ومرتين
واكتب على قلبي احب الامارات
لان البلاد اللي تعز الملايين
وترحب بكل العرب بالمطارات
تستاهل المدح بجميع الدواوين
وتكون الاولى في جميع المحطات
شعر فواز خالد
الغانم الشمري