طيب مدام الطيب ماعاد ينفع
والصدق اصبح ضدك اليوم حجه
وشلون تبغى اصبر اليوم واقنع
في عصر يخضع إلقوانين دجه
الطبع يغلب مهما كان التطبع
الصدق طبعي ماقدر اشذ نهجه
الى متى والعين يا صاح تدمع
تغسل جروح القلب مما تبجه
عيت عيوني تالي الليل تهجع
وشلون تهجع والفكر فيه لجه
اجمع وابعثر وارجع اعيد واجمع
همي وبالي يسج مع كل سجه
ابحث عن الي داخل القلب اودع
غلاه واقفا شالته ريح عجه
شالته وانا اشوف واحس واسمع
صرخات تحدث في فضا الكون ضجه
صرخات نجده منه للحين تقبع
في إذني حتى شجة الاذن شجه
صرخات منها اعوج الضلع صدع
في بحر هم وحزن قلبي تزجه
عاجز عجزت اقوم وارد وامنع
عنه الخطر في عز ما الحال حرجه
ارادتي سلبت محكوم واخضع
للقيد والتنكيل كان بأوجه
ما املك سوى ابكيه من كل منبع
وارفع يدي يالله يالله نجه
كل ماصد هناك وهناك ارجع
مغبون والذكرى الشؤم مستلجه
مذنب ولا لي ذنب لرضاه اطمع
يا ليتني وياه من وين وجه
الفراق شلون ياصح يصرع شوف
الادمي ويصير للناس فرجه
ماعاد فيها صبر وشلون بقنع
في عصر كله جور مافيه بهجه
يالله قبل اموت طمعان بأربع
قربه ورضا امي وابويه وحجه