مريم تعالي لو سمحتي دقيقه
بيني وبينك شيء ماقدر اخبيه
يمكن غريبه بس والله حقيقه
اني عليك اغار مدري على إيه
هي غيرة العاشق لذيك العشيقه
او غيرة المجنون في حب مشقيه
لكن بقلبي منك شبت حريقه
شيٍ سمعته فيك ماودي اطريه
قالوا في حسنك بنت جدا رقيقه
حلوه جمال الكون تروي اراضيه
نجلا وست الغيد ذوق وانيقه
تعلي الهلفوت وتذلل البيه
هيفا وحليمه معك موضه عتيقه
انتي ملكتي الحسن كله بشقيه
بين الحيا وبينك علاقه وثيقه
من زودها وجهك بيدك تداريه
قطعة ذهب صافي يلمع بريقه
أغلى من إنه يسام بريال وجنيه
لكن قهرني شيء ماقدر اطيقه
بعتي الذهب برخيص يابنت بس ليه
والله حلاة الورد وسط الحديقه
ربي مسخر حوله اشواك تحميه
لكن اذا قطفوه شموا رحيقه
يذبل وكل الناس ماعاد تبغيه
دامك لطهر الطهر اخت و شقيقه
دربك مسا البارح لاعاد تمشيه
لو بكره تنحدرين بأودي سحيقه
ماعاد ينفعنا عتاب ومشاريه
ماهو بكيفي الشر عنك اعيقه
وش حيلت الي كبل القيد يديه
معناي قلته وانتي حلوه وحذيقه
والحر يفهم من اشاره وتنبيه
انا ياست الحسن شاعر صديقه
سولف في حسنك لين الهب محانيه
ماكنت اتخيل بهذي الطريقه
اعشق ياست الحسن واهيم واتيه
اثري وربي البيت روحي غريقه
في بحر حبك ليت توصل موانيه
يمكن اطلت شوي فوق الدقيقه
بس اعذريني شيء ماقدر ا خبيه