تنفّس صباحي بعد ليلٍ حسبت يطول
مضى عام عن شمسي ولا بانت شعاعه
رحل حول وعيوني تبي شوفة المجمول
وأنا أمسك رسن نفسي لو النفس جزّاعه
تجيبك طيوفي لا لمحتك يا هاك الزول
تلاقى رموشي مثل من يشبك إصباعه
تغمض عيون الشوق عن واقعٍ مجهول
تصحّيه صرخة راح والأذن سمّاعه
ذبل كل ما بي ذبلت أوراق شهر أيلول
يحتّه هبوب الوجد وأحلام خدّاعه
أنا كيف أبسلا عن غرامه ولا لي حول
تجيني رسائل من أهله تحيي أوجاعه
لهم شبّةٌ والباب ما حط فيه قفول
أجي مثل من هو يحفر القبر بذراعه
زفرت الحزن من ساحة الصدر لين القول
سحبت السعادة والحشا زانت أوضاعه
لفى الغالي اللي ما لفاني قرابة حول
تصبّرت وعيون المحبّين طمّاعه
تغيّر ملامح وجهه الشاحب المذبول
بعد ما سطا بالقول والروح ملتاعه
تقيّدني سلومٌ وأنا الهايم المقتول
محيّر لابن عمّه وابن عمّ شمّاعه
ولف الحزن وسوات سيف الله المسلول
مثل لفته من خلف أحد حقّق نجاعه
رحل يسحب الشمس وظلام الليال يطول
وغابت عن عيوني ولا بانت شعاعه