هل ليل وزل ليل وحل ليل
وانت نجمٍ لكن بحزة ظهر
غايبٍ ومعرضن ليلٍ طويل
ليه نجمك بالليالي ما ظهر
بالحنايا ذيب هجرك له عويل
ينهش ضلوعي الى حان السهر
ليت ذيبك ذيب يوسف ي بخيل
كان ما ذقت الحسايف والقهر
فرد حمزه بالحشا شب الفتيل
وقعته بالجوف تدمي من شهر
ضرب شلفا ذياب بالعظم النحيل
وسمها في داخلي يبقى دهر
كيف تسمع بي وأنا لك سلسبيل
كيف تنسى سالفة ضف النهر
عن هجير الضيق لك ظل ظليل
وعن سراب الضيم لك ماءٌ طهر
خنت عقبه ي كسيله بالصقيل
ليه تغدر بي وتطعن بالظهر
ارسم البسمة وتبدلها ب ويل
شوكك اللي دافنه خلف الزهر
العنا مأذون ما سوّا جميل
والشهود شكوك والفرقى مهر