ياصوتها الحساس بشويش لااطوش
تسري على ..مسامعي في لطافه
إحساسي اللي يسمع الصوت ويشوش
ويعزف لك الابداع في وسط قافه
ياسكره ياكيك .. مدري ماكنتوش
سكر عذيبك .. في ..حلاة الكنافه
ودي اطولك في ضلوعي وانا احوش
كل الغلا المكنون فيك ب رهافه
واجيك وانا من عنا الفقد مدهوش
ولاهمني لو صار دونك كلااااافه
ياباذخه ليت .. المعاني بك تنوش
وصف المعاني تنهطل في كثافه
( اميرة الغازي ) حلا مُلك وعروش
سلطانة الاعماق .. عقب الخِلافه
جيتك اغني بك شعر سلهم رموش
ياعين من تقصر حلاها المسافه
مغناي حبك داخل الروح منقوش
حبٍ خذى كل السحر في عفافه
جيتك غلا بجيوش تنطح لك جيوش
تبلْ بي روحٍ .. عثت به جفافه
واصبحت انادي وينه اليوم ياطروش
مامنّكم من جاب علمه وشافه
في داخلي حبٍ غدى اليوم منبوش
نبشوا به .. العِذال حد التلافه