خوذي شعور الشعر ثم اصدحيني
انا من احساس القصيد أتنفسك
لمي بقايا .. شوق .. ذيك السنيني
جيتك من اللهفه حبيبك وفارسك
اهلا هلا .. والشوق لاح بيديني
وانا انا لا من عشقتك احسسك
صنتك إبروحي والغلا في وتيني
ديسمبري ميلاد حبي كرسمسك
يا أفروديت الزين باح الكنيني
من الجمرتين اللي خلطها تورسك
من بينهم ..ثلجٍ تراعيه عيني
برقٍ شعى في ليل حاكه تغطلسك
ياهومروس الحرف بشويش فيني
إللياذة الاحساس .. دايم تدرسك
عن قوتك .. لا قلت .. لا تتركيني
ماتدري إن قلبي
على الدوم حارسك
يحق لي اعشقك وانثر حنيني
بالذات لاناظرت .. روعة نواعسك
ويحق لي اموت بك ياضنيني
لاصرت طاغي والحلا في تغطرسك
مافيه مثلي لو تشوف أربعيني
طغيان زيني اصبح اليوم هاجسك
دام الهوى حبله علينا متيني
شرع الغلا قلبي ب حبه مقدسك