مسير الحي يتلاقى
ونتحاسب ونعرف
اللي كان غلطان
مسيرنا في يوم ح نتقابل
ونتعاتب ونعرف
مين بدا الهجران
وقلبي ح يشتكي منك
وقلبك يشتكي مني
وبينا حب كان معنا
دفنته ف صفحة النسيان
وبينا ود له معنى
هجرته وراح كأنه ماكان
وبينا سر انا صنته
وخنته بقلبك الخوان
مسير الحي يتلاقى
ونتحاسب ونعرف
اللي كان غلطان
شكيت الوحدة من بدري
وانت السبب فيها
ونار الفرقة في صدري
عجزت لوحدي أطفيها
ودمع عيوني بات يجري
على خدودي بيكويها
واقول يانفسي ليه فاتني
وصفحة حبي يطويها
جزائك انك أخلصتي
جزاء لوعود بتوفيها
يقوم يغدر ويتخاصم
وقصة حبي ينهيها
ويرحل حتى مايقوللي
لأي بلاد يروح ليها
عشان اعرف آخد حقي
واشرح قصتي فيها
لكن ح اصبر ياللي خليتني
اعيش وحدي مع الحرمان
مسير الحي يتلاقى
ونتحاسب ونعرف
اللي كان غلطان
مسير الحي يتلاقى
وح ابعد دنيتي عنك
وادوق الصبر لو علقم
كفاية اني اتأذيت منك
لأول مرة بتخونِّي
مشاعرى وفرحتي اكمنك
سمحت لقلبي يتكلم
بكل عواطفه بيضمك
وف الآخر بتغدر به
مسير الغدر حيغمك
حاسيبك وانسى أيامك
وادور ع اللي بيصدك
لأني ابقى أستاهل
واكتر لو بقيت جنبك
وبكره تشوف وتتندم
وتتعذب من الحرمان
مسير الحي يتلاقى
ونتحاسب ونعرف
اللي كان غلطان