مستني منك كلمة واحده
ايوه كلمة بس واحده
كلمة واحده من نصيبي
حتقوليها اليوم ياقلبي
حتقوليها وتحيي قلبي
هيه كلمة ياحبيبي
دي الحياة والحب انتي
والأمان في القرب انتي
والفرح بعنيك بشوفه
بس تبقى زي مانتي
هوه حبي مش كفايه
والا لسه في البدايه
حبي لو تقريه ياقلبي
حتلاقيه ف مليون رواية
ياحبيبتي الشوق واخدني
والزمان عنك باعدني
قلبي عاهدك يبقى عندك
وانتي قلبك بيعاهدني
عمري مالقى زييك انتي
في حياتي مستحيل
مهما اشرق أو أغرب
القى شبهك مستحيل
قلبي عندك مهما روحتي
ومهما كنتي ومهما غيبتي
مانتي وحدك مالكة قلبي
وعندك انتي ميت دليل
ح تقوليلي ياحبيبي
ايوه لازم ح تقوليها
وانتي برضو ياحبيبتي
رايح اقولك ع اللي بيها
رايح اقول اللي ف خيالي
رايح احكي عن آمالي
رايح أسكن أحلى جنه
وانتي وحدك عايشة فيها