يا دمعة حب منسيه

يا دمعة حب منسيه

يا شمعة رحلتى الجايّه

يا كل الدنيا حواليا

يا شوق عارم يا حريه

يا حريه فداكى الدم

هفضل مرتهن للحلم

ومهما القهر مهما الظلم

تعيش القصَّه مرويه

بَبْنِى سنين هنا قلوعك

تِهِلْ الشمس فى رجوعك

واشيل الحلم ف ضلوعك

وتِملَى الفرحه لياليا

سنين فاتت وظل الكَرْب

وكل الظلم كان عن قُرْب

ورغم الويل ركِبْت الصعب

وغَزَلْت الفجر أُغْنِيَّه

يا حريه انتى مهما القهر

دمايا لجل حبك مَهْر

وأصهر لك غُنَايا صهْر

واطُوْل النجمه بأيديا

يا حريه تروح أبطال

واغنى لك أنا الموال

واركب لك كتير أهوال

واقدم مًهْجِتى هديه

أنا حالف أموت واقف

وادوس الجرح لو نازف

وأفضل ع الزمان عازف

يعود الحلم يوم ليا