ليه إحنا ليه عايشين قطيع
وبلادنا ليه مِتْأَخَرَه
ما بنلاقيش غير موت وجوع
وحكومه فوق راس العباد
متسخَرَه
ليه كل داهيه نقول بديع
ونقول جماعه غاويه شُهْرَه
وِمَنْظَرَه
ليه لما نِمْشِى نص خطوه
للإمام
نرجع ميتين خطوه لورا
ليه ع الدوام واهبين حياتنا
للفنون والمَسْخَرَه
ليه يا شعوب نفتح تَمَلِّى
ألف باب للمأْلَتَه
والنقْوَرَه
حَاْبِّيْن نعيش عيشة عبيد
نحيا مابين حكم
الشاويش والعَسْكَرَه
ليه يا زعيمنا للعدو
بتكون حمار بالبردعه
وع الشعوب كالقَسْوَرَه
ليه يا جيوش دايماً نعاج
مَحْطُوْطَه لَجْلْ المنفوخين
وع الشعوب مِتْأَجَرَه
فى قتلنا دايماً أمام
وف الحروب القَهْقَرَى
ليه يا شعوب مسْتَحْمَرَه؟
هو إحنا أيه؟
إحنا قطيع بين الورى؟
ليه يا ترى؟