لما يا جاهل تُحْكُم شعب
ولما علينا بجهل تِطُلْ
ولما الشعب يسلِّم دَقْنُو
ويرضى الظلم ويبقى دِهُلْ
نبقى نقولك ياللا يا جاهل
إقْتِل فينا واوعى تِمِلْ
وانت يا شعب شريف تستاهل
حالك بقى يِكْمِد ويْعِلْ
ياللا يا عسكر إصنع قاضى
أو إعلامى عندو الحل
إصنع شعب دايماً راضى
شارب خوفك راضع ذل
أصل الخوف مولود ويّاهم
مزروع ومْتَبِّتْ جوّاهم
تِسْلَم أفكار راس مولاهم
تسلم أفكار سيد الكل
دول بيحبوا كل بياده
عاشقين فيها وعشق عباده
وعلشان يعنى همّا حمير
إركب أكتر إفْسِد ضِلْ