الحس ياللا الجزمه الميرى
ياللى أوباما بعتلك كيرى
علشان تِكْمِلْ خطة غيرى
والدم يسير ع الطُرُقات
الحس ياللا يا عم براحتك
ياللى أمريكا بتحكم ساحتك
ياللى تمللى تقول مصلحتك
مرهونه ف إيد الخواجات
ياللى ديانتك هى الأزمه
على مَحْوَها الطُغْمَه دى عازمه
وانت معاهم؟ خُدْلك حِزْمَه
دا البرسيم يِكْفِى البَقَرَات
عُمْرْ بلدنا ما تصبح دوله
طول ما بيحكم فيها عتاوله
طول ماهو قاعد أمن الدوله
وفيه مين يلحس ف البيادات
جيشنا دا جيش مهزوم على طول
علشان حاكمو زعيم دلدول
بيقتل ناسو ومين هيقول
وعَمَّال يِصْنَعْ ف الأزمات
جيشنا بقى منظر وشياكه
عشق وحب وبرضو فكاكه
وعساكر بعيون فتاكه
عَمَّاله تِجْذِب ف الستات
بقُولَِّك أيه يا جيوش العار
ليه بِتِهْرَبِى من خط النار
وقاعده بِتْخَرَّبِى ف الدار
إرْجَعِى تانى للثكنات