من أربعين مروا وفاتوا
كنت لسه يا دوبه واصل
واللي عاش طولة حياته
يلحم الأحزان فواصل
والعزاز عاشوا ما ماتوا
مشيوا لكن فاتوا راجل
ياللي متخبي ف صهاينة
بيقتلوا مازن وعادل
والمدينة مسيرها داينه
طول ما فيها مين يناضل
ميت مليون لعنه عليكم
يا الشيوخ ويا العواهل
وع الرئيس ويا الأمير
وع الشعوب عايشين تنابل
اللي خايف واللي شايف
واللي عارف واللي جاهل
بكره جاي الدور عليكم
والقضاء ليه الف نازل