أحزاننا تواصل طوالي
والفقر بياكل في جتتنا
والفول اتحكم ف حياتنا
منك لله ياللي ف بالي
العيشة صبحت متعوسه
محروسه دبحت محروسه
وصراخنا صاعد في العالي
منك لله يا اللي ف بالي
من بعد غنانا حياه مره
الغول ويانا صبح قاره
والقهر علينا بقي والي
منك لله يا اللي ف بالي
والله بجد كده عيبه
انك تفضل رغم الخيبة
والشعب يسيبلك رأسمالي
منك لله يا اللي ف بالي
كنت بتقول هفتح عكا
خدت المعلوم خدت الفكه
خدت الدرهم خدت ريالي
منك لله ياللي ف بالي