قالوا نبعد الرئيس
والسياسه هيا هيا
أبعدوه وجابوا لنا سيس
وجارى إنهاء القضيه
جارى فض الإعتصام
جارى إسكات الكلام
قتلوا كام وباقى كام
ومين عليه الدور عشيه
الكهربا يوماتى تقطع
والسولار مسيرو يرجع
والقتيل مالُهْشْ دِيّه
البلاد بيصدروها
والعلاوه نقصوها
تقل خمسه ف كل ميه
والرايات بينكسوها
والبلاد بيسلموها
للبلاك والبلطجيه
الأراضى رخصوها
وللأعادى ملكوها
وللجهات الأجنبيه
يكفى أيه م الدم يشفى
غل جوه القلب يِغْلِى
كام شهيد وكام وَلِيّهْ
واللى وافق واللى فوّض
ع الوطن الله يعوض
مسيركو يوم تاخدو العيديه
بكره جى الدور عليكو
ياللى فوضتم عاديكو
ياللى بايعين القضيه
ياللى بتهد ف بلادى
وبالإرهاب توصم ولادى
والحوار بالبندقيه
إنت راضى بالإهانه
فين ضميرك والديانه
دا اللى سايبو يدوس عليك
مش هسيبو يدوس عليا