مشتاق ودي بشوفك يابعد حيي
لكن بعد المسافة بيننا حايل
ياليتني في مرابع حاتم الطيي
في مرقبٍ نايفٍ وابدي على حايل
ياسلطنة خافقي وجنوني وغيي
الشوق لك من مشاريف الحشا سايل
ياشرقي وغربي وياشمسي وفيي
شيّدت لك في خفوقي معلمٍ طايل
ان قلت من نور وجهك يشرق الضيي
ردّيه عنّي اليا قالوا من القايل
وان قالوا انتي كما باقي البشر عيي
قولي لهم بدر في مرقابه الهايل
امّا أنا في غرامك ماحدن زيي
حتّى لوانّي من هموم الزمن شايل
ان قلت زانت وحلمي صار متهيي
بار النصيب وتسلطن حظي المايل