من دم جرحي شفني اكتب لك ابيات
ابشّرك مافيه للحبر داعي
نزف الجروح اصبح بحجم المحيطات
يشيل اساطيل الوله والسواعي
صارت رياحك عصف دون اتجاهات
من شان تغرق في بحورك شراعي
صحّرت في قلبي جميع المساحات
كانت بساتين وحقول ومراعي
واصبح مناخه قيض دايم وآهات
وامست تضاريسه صخور وجراعي
من سبّتك صارت دروبي متاهات
وانته تبختر في مراسم ضياعي
لكن انااعرف مخرجي فالنهايات
بالمختصر صعب احد يلوي ذراعي
انا شموخي من شموخ السراوات
الكل يعرف هيبتي وارتفاعي