احلى المشاعر نوّخت عند بابك
تستاذنك حتى تهنيك بالعيد
يزفها قلبي لحظرة جنابك
تقبل الله صومك وعيدك سعيد
العيد طرّز فرحته في ثيابك
ومن ضحكتك واشراقتك نوره يزيد
قلبي وروحي سايرة في ركابك
تمشي معك من دون شرطن ولا قيد
ان جيت قالت كلها ياهلا بك
وان غبت ترحل خلفك وتطوي البيد
اضيع واذبل وانطفي في غيابك
وبكل تاكيد اغرق بكل تاكيد
مااقول غير الله يحفظ شبابك
ويجيرك من اهل الحسد والمقاريد
متميّزٍ: حتى زعلك وعتابك
احلى والذ من العنب فالعناقيد
عسى الزمن لو زاد خطبه يهابك
يدفع بلاه وظيمه وشرّه بعيد