الصبح بلسم والمسا سلة اوجاع
والحلم يذبل والوله يحتويي
لولا المزون اللي لهاالنبض مطلاع
ظماالسنين المستبده رويني
اجتاز هقوات البشر حد الاقناع
ثم اتعثر بين نفسي وبيني
بيني وبين اوراقي اخلاف ونزاع
وبيني وبين الحرف عشق وحنيني
وبيني وبين احلامي ذيابٍ جياع
وبحرعلى صدر الجفا يحتريي
اجدّف بشرياني وقلبي اشراع
وانخى العواصف ياهبوب اغرقيني
واحدى خفوق يحتدم بين الاضلاع
كم يوم تستفزع ضلوعي يديني
واضيع واقوم انشدالناس من ضاع؟
واحيان ادل الدرب واقول ويني!
نظرات عيني للسما م اعشق القاع
من خلقتي ماتعشق القاع عيني
لي مع هل المعروف مصيف ومرباع
ومن غيرهم تفتّك حلقي يميني
ولاني خفيف اطير مع كل ذعذاع
اشنى الردي واخاوي الغانميني
وافي وراع المد اجازيه بالصاع
اسمي كفا واللي يبيني لقيني