التواضع يجعل الرجّال غير،
والتكبُر.. يجعله تحت الصفر
من شنا ربعه..صغر لوه كبير،
ومن تواضع ل الأوادم.. ماصغر
من تراب ليا تراب وذا المصير،
الأدمي ساعته مامنها مفر
لو يشيد قصور ويحيك الحرير،
أخره لفة قماشٍ في... قبر
الكبر لله وحده لو يصير،
الأدمي في برج عالي مستقر
حكمه من الله تلقنها.. النذير،
وياسلام الله على منهو أعتبر
دار خلق الله تداريك وتسير،
الحياة ب حسن الأخلاق تعمر
ماحدٍ باقي على كرسي الوزير،
ولا أحدٍ باقي على بساط الفقر
عادة الدنيا.. بأهلها تستدير،
م البشر تبقى على حالة عمر
يابن أدم والكبر رجلٍ ضرير،
لا مسك يدك غدى عمرك حُفر
أغتنم وقتك قبل روحك.. تطير،
من تغانم فرصته طال القمر
ولاجل تكسب حاول تكون الأخير،
راقب الأول وشوفة وش خسر!