الحاجة اللي لو تحدك على الناس
ملعون أبوها لو تفك ألف ضيقه
من لايفصل خطوتة دون مقياس
لاطاح يلعن خطوتة مع طريقه
الوقت بير ولاروى غير الانجاس
ولا بل طيب لحظةٍ منه ريقه
يضيق لكن عايشٍ ماحنا الراس
ولاعاش تكمالة عدد في فريقه
اما يجيب العلم ويكون نوماس
ولايعيش من الغبن مايطيقه
يموت مايقضي حياتة تدساس
وقت الشدايد ينتخي به رفيقه
ماهوب مثل الي مدور تملحاس
عظام يطرد منة أردى الخليقه
صحيح طينٍ لكن الناس اجناس
احيان طيب والردى في شقيقه
ماكل من يفرد جناحية قرناس
ولاكل مايلمع يسرك بريقه
أكبر مصيبة حاجة الناس للناس
يالله لا تجعل على انسان ضيقه