البارحة بالي طوتة التفاكير

البارحة بالي طوتة التفاكير..

والنوم عيني لا بغاها تلده!

قلبي غدا حالة كما سالم الزير..

من يوم مات كليب والوقت حده

أو حال من ضاقت علية المقادير..

ولا لقى من ينتخي ثم يسده

كلة سبايب ذاك سيد الغنادير..

أقفى وأنا قلبي علية يتجده

أبو العيون اللي تشد المسايير..

كن صفة رموشة حرس مستعده

له مبسمً ساحر يفوق التعابير..

ولة ضحكةٍ شعرة جنوني تشده

خشمة وخدينة وعنقة تباشير..

وغمازتينٍ ماخذت ما ترده

والشعر ليلٍ يستثير المساهير..

ماهو بليل مكبرين المخدة!

من بين ردفينة وخصرة معاذير..

مدري عداوة ما بعدها مودة!

أبيات شعري سقتها لة طوابير..

عل البيوت اللي عنت لة ترده

وأن كان ماردتة سقت المشاوير..

وطقيت بابٍ مُبطي الوقت سده

بالغصب ولا الطيب كل التدابير..

لو يِتلقِاني أبيِة وجده!

أما ذبحوني أو ذبحت المناعير..

ولا عطوني من بغى القلب وده

بالحالتين العمر رايح مخاسير..

ياموت لحظة طيش ياموت صده!