أقول أيه بس يا جمرك البيوع
الظلم هد ف قلبنا الموجوع
ركب المدير حبة بقر وبتوع
فيه هنا حمار وفيه هناك مشروع
قاعد على قلبنا وف عنينا دموع
جاهل بجد لكن ذو كلام مسموع
كل قرار بياخده بعد لحظه رجوع
وأصحاب الفكر..فكرهم ممنوع
والمقرفين قاعدين وجدرهم مزروع
وكل واحد خنيق ليه غصون وفروع
وكل سفيه منهم غير ذات موضوع
قاعد على قلبنا وف عنينا دموع
مالوش غير ف المصايب وف الأوض ملطوع
يفتش ينتش ف الورق ويقعد عليه أسبوع
وكل أما تيجى مكافأه نصها منزوع
ياخدو عود القصب وأمصمص الزعزوع