يغيب .. تغيب أخباره .. أحس بقلبي ينغزني
وفالآخر عرفت أنّه رحل ياناس! .. خلاّني!!
رغم ماشفت من صدّه .. أكذّب كل مسا حزني
وأردّد: لا .. لا، لا، لا حبيبي ماتناساني
بقيت بخانة الذكرى .. لأن الوصل، يعجزني!!
بدون آمال .. أنتظره .. ولابدلّت عنواني
ترى لو كان حد غيره .. حشا والله .. ما هزني
ولكن قيمته عندي تولّت عكس ميزاني
ليا مرّت سواليفه .. أحس الدمع يحجزني
وصوته .. (ياحلو صوته) .. إذا مازار آذاني
هذاك إللي وسط شعره .. مخيّطني ..مطرزني
ولا .. شكّيت في عشقه يلين اليوم .. جافاني!!
يمر الوقت ويثبت لي بأنّه قد تجاوزني
وأنا للحين في عهده أفكر .. (كيف ينساني؟؟!)