أحيان احسك نعمةٍ في حياتي
وأحيان احس النعمة إن غبت عنّي
مثل الأمل يكبر ويصغر بذاتي
ويموت ما بين الرجا والتمنّي
أنا مزيج من الضَّجر وأمنياتي
والحلم في وجه الزمن والتجنّي
وأنا الوحيد اللي كتبت أغنياتي
شبيت في روحي عبث، قلت اغنّي
أهديت كل الناس سلم نجاتي
وما عاد باقي خنجر ما طعنّي
أدل دربي بس أضيّع جهاتي
واعرف حدودي زين وأضيع منّي
هذا أنا، هذا اختصار ل صفاتي
من دون تتعب ذهنك وتختصرنّي
لا تفرح إن قلت أنت شمعة حياتي
ولا تلومني لو قلت: لا تمتحنّي!!