عرفتها
وياريت ياناس ماعرفتها
شغلتني والله بحبها
والشوق واخدني لوصلها
وان فكرت مره تغيب
عقلي يطير من بعدها
والله قلبي ماقدها
ساعة ما حس بقربها
يتمنى يكسب ودها
وتحس هيه باللي فيه
تقوم وتاخده ف حضنها
وازاي ياناس يقدر لها
وانا كل يوم باكتب لها
أصلي ماشفتش زيها
ولا حد غيرها قام آسرني
ولا واحده تانيه مال لها
حورية طالعة من البحور
الله ياناس على رسمها
والصوت كمان صوت البلابل
لما نادتني سمعتها
حسيت بجنة وصوت جميل
جايه تغني بلحنها
توهتني وحيرتني وسهرتني
وهيه كاتمه ف قلبها
مش عايزه تعرف ايه ف قلبي
وهوه ده كان ردها
لكن نصيبي عرفتها
وبقول ياريت ماعرفتها
ولو سابتني ف أي لحظة
قلبي يموت من هجرها
والبياض القاه سواد
والجنة نار من بعدها