ماذكرك صوت المطر بايام عشناها سوا!؟
يوم الرحيل اثقل على صدري من اجبال السراه
حبيبتي مشتاق لك والشوق في صدري ضوى
نار الوله في غيبتك وسنين بعدك قد ضواه
ياصدري الي قد شبع من طاري الفرقا هوى
ماجور ياحظي عسى ربي يعوض ما بلاه
اتخيلك من لهفي تلفي على عيوني دوا
من عقب ما عل الفراق اعيون خلك من بكاه
ما انساك لو طالت بك الغربه وعاذلنا غوا
يفرح وحزنن قد كسى قلبن من فراقك طواه
عزمي على مواصلك لي عدى السحاب ولا نوا
ما ناخت اعزوم الرجل لو يطلب الصعبه لقاه
اسقيت روحي بالعشق اعذب ينابيع الهوا
حان الوداع ولا روى والعين زادت في ضماه
لا هلت امزون الوسم في خافقي شوقن عوا
ضمتك لي يوم اللقا الشوق بك حصل دواه