حزين وحاجة في نفسي تقول أن لي أحد قد غاب
ياربي مين غايب لي؟! وألا مين غيّابي؟!
عشان أفهم طفل هذا الحنين لمين؟! والمحراب؟ّ!
لمن تدلي ظلالي بفيّها؟! والشمس ف: أهدابي
مشاعر تاخذ (ا) شفاهي من الضحكة وقبل أرتاب
تسوي ضحكة لشفاهي وتيبس ورده فكتابي
بحر نظرة عيوني ف: الشفق، والنورسين أغراب
وترجع أمهات الملح إلى الشطآن بأسهابي
إلى ه: الحد ما عندي حياة، ولا متون أصحاب
عشان أن طاح جمّال الأمل تركي له أصحابي
وحيد أشبّه شعور الغربة الخرسا مابين الباب
وبين "آخر زيارة" نقشها للحين ف: أَعتابي
أغنّي عن نحيب الناي حزنه لين ماينساب
شعوري للبكا دمعة ، وأدوّر ظل ل: ثيابي.!
ياليت أقرا عيون الناس يا سلمى واحسب حساب
عواقب طيحتي منها قبل لا يغدوا أحبابي
وأنا المهموم من نصف الشعور/ وقِلة الترحاب
وأنا اللي غاب عن كل القلوب، بداعي اسبابي
تكبّرني الحياة، وكلما صوتي في صمتي شاب
كتبت الشعر للمنفى ورحت أهيم ف: أسرابي