أسير ترابك يا حنين
أسير لحبك طلتك
نظرة عنيك
وكأني من عمرين مضوا
عايش أسير لمحبتك
عشق وكبر ويا السنين
شوفته ف حلاوة نظرتك
وف ضمتك داب الأنين
طاب السمر زاد السهر
فرح القمر عبى السما
بنجوم كتير
وسألته ليه فرحان كدا
قالي بكسوف
كل اللي عايزة محبتك
عايز أشوف حنيتك
ياه ع الحنين لما يفيض
جوه القلوب
بتدوب معاه كل المحن
عايش ومحمي بضلتك
واجمع الورد اللي داب
فوق الغصون
وأبدر زهوره ف جنتك
وبعدي بيه كل الحصون
نتلاقى بس ف سكتك