لا تجرح اللي كل عمره فدا لك
ان ضقت يشكي معك من ضيق الانفاس
وان كان موته في عيونك حلالك
عجّل على فرقا الحزن واقطع الراس
لكن تأكد وافهم العلم جالك
أموت لكن ما وطت رجلي ادناس
مد الكفوف اللي تحقق وصالك
خل الردا للي غدا نبع الانجاس
وارفق على اللي كل عمره حلالك
لا تجزيه حزن ن وتمسي على ياس
أصوم في بعدك وشفّي هلالك
والعيد شوفك يابعد كل الأوناس
وأموت بك واحيا بصفوة ظلالك
يابو عيون ن تحتضن طفل الانعاس
البدر من خدك خضع وانزوالك
والخمر من فمّك سكر واسكر الكاس
والموز غصنه هايم ن وانحنالك
ودّه يوازن حنيت الزول بقياس
ويوم انحنيت أوروّعه اعتدالك
أمسى كسير وحاصد ن منك الافلاس
حتى الحرير اللي لبست وحلالك
أمست خيوطه فوق الامتان حراس
وشلون أبلقى بالعذارى بدالك
وبجيتك في جمعهن تضّرب أجراس
انت الخطر وإلا الخطر من خيالك
غديت لسهوم الخطر تقل نبراس
وكن الثريا مغتنيها لحالك
ومشككن انك لها مرجع وساس
والطيب كنه غادي ن راس مالك
ومن زود طيبك يضرب الخمس بأخماس
كامل وربي مكملك في جمالك
غالي ومنك مرتفع سعر الالماس
لاهنت يعني روّق اليوم بالك
يامنبع احساس القصايد والاحساس
أسق الذي بخلاص قلبه وفالك
لا تلبسه في ما وفا جرد الالباس
شوف الحقيقه..؟ لا تطاوع خيالك
ولا تكذب محبك وتتبع هوا الراس