إنكسار العاطفه... يعني انحدار
وانحدار العاطفة يعني.. هزيمه
والهزيمة في عيوني للصغار
والصغار.. بعيني اصحاب النميمه
يالصغار... اللي يربيكم كبار
ما دريتوا انكم ليّه... وليمه
من يشب النار ويحب الدمار
علموه: إني من ارباب الجريمه
ارفض: بذاتي شروط الإحتكار
واحتكر كل الضواري وسط ريمه
واكره الذل المسمّي بإزدهار
واعشق العز المتيم في قديمه
مانحضر حلمي على شوف النهار
والليالي حلمها طب السقيمه
ماأفكر وين وكيف الانتصار
لانه يفكر بنفسي وش.؟ يديمه
مازرعت البذر قبل احصد ثمار
ولا اواكب صحبت ابليس ونعيمه
يالكبار اللي ذخرتوا كل عار
العواقب أقسم بربي وخيمه
اليمين اكرم من ادروب اليسار
يالنفوس اللي على بعضٍ لأيمه
كل حنّه لاصرخت تبغى غيار
والغيار بهيئته يعطي عزيمه
افهموها: كان تبغون العمار
واتركوا من هي تسيّد كالزعيمه
وانحدار العاطفه بعيني انكسار
والنميمه ماذخرت غير الظليمه