لك العذر يا هاجسي لا من كتبتك ب القصيد
وغنيت أنا من قاف شعري ل السنين الخاوية
عن شي ماهو في خيالي لو كتبته يستزيد
إلا شعورآ قوته يشبه شموخ معاوية
جيت أكتب الغاية معاني راسخه مثل الحديد
حواس فكري همسها تصفيق دايم غاويه
قضيّتي فكرة شعر كل المعاني له عبيد
صفيت له جيش الفكر م دامها متساويه
وسمتها في وسم قافي شامخه ترقى تليد
في ليلةٍ من ضي حرفي بالجزايل ضاويه
في معرفة قول الكلام الي تصاريحه تبيد
عن سوّ حظ أشباه ناسٍ بالقسى متماويه
ب أعلّمك عن قول ماهو في صناديق البريد
لو زاد هرج الي حنوكه ب البلئ متلاويه
خذها صريحه دامها بالعلم والرآي السديد
موسومةٍ من نار فكرن في ضميري كاويه
وين العلوم الي عليها واحدٍ يبغى يجيد
تخالفوا نِقالها على رسوم الراوية
احدٍ على دينه خفس من دون والله ما يريد
واحدٍ على دين اليتاما رادها ل الهاوية
فقرن عليهم زم حِمله لين جابه ل الجريد
وخلى ل منهو غايته يهيم وسط الحاوية
كذا كذا يا خطوط حمرا ما يفيد ابك القصيد
أغناك ربي عيشة وابطونهم لك خاوية