الحنين اللي تهجى بي غياب
لاطرى جاني عليّه ب أكثره
فاقدٍ أشياء معناها عِتاب
في شهيق الآه همي يزفره
تهت كلي طاردٍ ذاك السراب
ضاميٍ كلي ولا لي مقدره
غربتي همٍ غدابي فالنشاب
بين إثم وبين ذنب أستغفره
الغريب الي قضى بالاغتراب
من ظروف الوقت منهو يعذره
ضاعت الآمال ب عيونه وذاب
من دفن روحه معا ذيك المره
طفلة أنفاسي نسايمها هباب
شفتها تسكن هذيك المقبره
جيتها كهلٍ ذبل حاله وشاب
ذابلٍ.. عاف الحياة المزهره
جيت شاعر جيت زرياب العذاب
في مقامٍ.. ب البياتي.. أجهره
جيت رائي في روايات الكتاب
أرتشف خمر المعاني وأسكره
عند ضليّل القصايد ب إستهاب
لا بدى لافظ.. ينادي عبقره
تاهت الخطوه وضيعنا الصواب
والحظوظ اليوم صارت مدبره
قصتي مابين حرفينٍ.. تجاب
إن جيم الحلم عندي مكثره
من وهايب ذو الصفات الي تهاب
ماعلي من..الحظوظ المكدره
ماتهم احوال طاولها الغياب
احمد الله وسط قافي وأشكره