يا طروب اليوم منتي لي طروب
لو عزف زرياب.. ماعنّه مصد
في شعورآ شفت نسماته هبوب
ذعذعتها.. تجلي..أنواع.. النكد
ارهقتني من تغنجها.. عذوب
لين صار الحب ماهو لي جلد
كافر الأوهام مطني بي ذنوب
وسط.. فاهٍ.. من ورد به ما ورد
كنت أبيها حلم واللقيا دروب
في مسافات.. الأماني.. والوعد
كنت أبيها فاخرة ماهي لعوب
م إتمايل ثم تضحك لأي احدْ
كنت أبيها ذنب ماعنّه أتوب
أقترف به.. زود.. ياتيني مدد
اسرفي بي بالقسا نار وحروب
بيّدي حيلي.. أنا ما بي.. جهد
إللعني جد الشعور اللي يتوب
عن هواك اللي غدا لعيني وحد
شاعرك والله ماله ف القلوب
غير قلبك.. لو غدى قدمه عدد
صرت أعيش الفقد من حبك كروب
منطوي من دون شف ولا سعد
التعاسة من شمالي للجنوب
فرق.. شاسع.. ما تقول.. إلا بعد
اعرف اللي صاغ بأوتاره طروب
يعزف جروحي.. وأتنهد.. سهد