ممنون فضلك أنا يا مخدة الأحلام
من بعد طول الهجر صرتي الي شريكة
عم تحرقك نار الهوی صرلا سبع أعوام
و كلما اشتد اللهب بالدمع بسقيكي
و ياما عيوني البكو مسكو الدمع أقلام
و رسمو خيالك حلم تا ضل لاقيكي
حتی خيالك قعد يمحي بهالأرقام
و انت جنون الدهر ما كان يمحيكي
ممنوع اقطف حبق و لا تعطر بأنسام
ولا دق باب الهوی و لافتح شبابيكي
و تاتسمحي بكلمة الي هيدي من الأوهام
بندر لقلبك ندر بلكي بحاكيكي
و ان ضل قلبك جفا ما فيه استرحام
لا بتسألي عني ولا عاد بعنيكي
يمكن جنوني الشقي يزعل من الأحلام
يغير خمور الهوی و ينسی دواليكي
و يعيش فجر العشق من غير ما ينلام
تا صير متل الحلم ذكری بماضيكي