الامل منفى وعايش بالشتات
ماتعب من حق تقرير المصير
والفرح مهجر وملجئ للنجاة
والحزن مُحتل معدوم الضمير
معركه دنياي في ارض الحياة
معركه مابين الاعمى والبصير
الهوى اعمى وشايف هالجهات
والعصى هي راس ماله بالمسير
والعقل مُبصر وهو كله ثبات
يفهم الواقع وفاهم وش يصير
حلم متعلق بحبل الذكريات
يبتسم للحظ لو ماهو بخير
من حنين الامس تولد امنيات
ومن سجون الضيم يتحرر اسير
اكبر وتصغر بعيني التُرهات
وانسى واتذكر انا حلمي الصغير
انتظر بكره لان الامس مات
والحزن لمحة وانا فرحي وفير
لابزغ فرحك مع كل الجهات
زكٌها بالحزن لو انك فقير