من يقول انك من التهمه بري
وانت سبة كل ماكان وجرى
تهمتك في حق ذا الغصن الطري
يبست عوده ولا اظنه برى
ولو بِدا حرفك مع المعنى ثري
واقعك مؤسف ودور عن ذرى
صوتك استكنان جوك شاعري
بس ما اسمع ولكنى أرى
شفت مايثبت بأنك مُزدري
تعزف حروفك وهو نزفه جرى
وتتهم غيرك بحكم المفتري
وتنتظر عدلاً من اللي مادرى
ومن يقديه العمى وش يحتري
خطوة قدام وعشراً للورى
فرق بين اللي يبيع ويشتري
مثل مافرق الثريا والثرى
وقبلة الاقصى اذا منه طِري
تنتفي لاجاء طاري ام القرى