تمضيبي الايام ماجاني نبا
عن غايب حاضر ولاعنده عذر
واضِيّق لامنه عن ايامي صَبا
وش قيمتك يالمبتدا بلا خبر
ياجالب الاخبار ياهدهد سبا
لو شفت من زوله بقايا من اثر
ذكّره في خله وبأيام الصِبا
يمكن يحن لصاحبه اذا ذكر
قله بأن الشوق واصل للزُبا
وإني معى الاقدار متسلح صبر
حاول تجيبه لي وإن عيا وابا
لاتجبره جايز انا اعيد النظر
لاصار شعري بالورق كتلة غبا
من الذكاء اسكبك ياباقي الحبر
قصيدتي غنيتها وكانت صَبا
اطرب لها لو كانت احزان الوتر
والحزن كان افراح لكنه كبا
نتيجة للبُعد مدري للهجر
من بعد ماشوقي على روضك ربا
مالت غصون الود من شح المطر
ومن بعد ماوقف شعوري لك حبا
ماضاق قلبي منك لكنه ذكر
أتذكر انه كان يشتاق لنبا
والحين لا والله مؤمن بالقدر