ياقلب (لاتصالح) ولو صار ماصار
ياما غفرنا بس وشهي الحصيلة
الزير من حقه إذا يطلب الثار
والثار عند الزير يسوى قبيلة
ياما زرعنا ورد ياشِح الامطار
الزرع ميت والسحايب بخيلة
ماعاد قلبي ينتظر اية اعذار
والعذر حتى العذر منهد حيلة
القلب مثل جدار والعذر مسمار
ويشوة الصوره ولو هي جميلة
بروزت حزني واصبح اليوم تذكار
تذكار للي كان واعلن رحيلة
وانكسرت الصورة وهي تلفت انظار
وطاحت على قلبي هموماً ثقيلة
غلطتك مع سبق الترصد والإصرار
مدري انا بغايتك واثري الوسيلة
وشلون هذا الفعل يبدر من احرار
كنتي ملاك القلب كنتي الجليلة
واليوم لاوالله والجار لو جار
نبدّل المسكن ونلقى بديله
من بعد ماكنا المهاجر والانصار
انا بهاجر يالعيون الكحيلة
الله يعين القلب بس انه اختار
اختار يبعد عنك واعزتيله