أما عن الأخطاء حدث لا حرج
اخطي وناري ما تشب الا حطبي
مابرر الغلطة ولا أدور حجج
درس تعلمته ودرس مربي
اندم طبيعي بس أدور عن فرج
واضح مع نفسي ولاني بختبي
أطيح وامشي بس ما امشي عرج
امشي ولو مكسور لكن ما حبي
فكري كبر وياي حتى انه نضج
وبعض التجارب تعتبر من مكسبي
خشمك اهو خشمك ولو انه عوج
واقعك هو واقعك وافهم يا صبي
راضي أنا بذاتي ولو غيري هرج
متصالح وياي عارف وش أبي
تناقضي واقع وأنا أشوفه مزج
بين السهل والصعب ابحر مركبي
ارضي وجمهوري إذا يوم انزعج
تكتيك مني يتضح في ملعبي
اتدارك الموقف ولو كثر العجج
الفوز فوزي والخسارة بسببي
في أحلك أوقاتي وأنا عندي نهج
ما كنت مستسلم لأني مو غبي
واضح مع نفسي ولا عندي حرج
خطاي بعضي بس شاله منكبي