هزّوا لها من داخل القلب الأغصان
اللي يناسبها هديل الحمامه
وصبوا لها كاس الأمانة والأمان
ايلين تروى من رحيق السلامه
واقروا لها شعري على حسب الالوان
اللي يوصلها حدود الغمامه
وقولوها مطلوب كأقل الأيمان
ترخي عن ابداع البديع اللثامه
ولا تجرح الانسان مسكين الانسان
يهوى السهوم اللي تسبب هيامه
هبوبها عطرٍ يزفك لبركان
يذكر العاشق بيوم القيامه
من عقب ذاك اليوم وانا خبر كان
كلٍ يقول لصاحبه وش علامه
سولف غدير الماء على سمع ظميان
حتى تبدل من بلاه اهتمامه
عشق القلوب يعلمك عشق الاوطان
عشقٍ ما هو عشق الترف والإقامه
قبل امتلي بالشوف كنت انضح ايمان
وكنت المرشح لاستلام الإمامه
وعقبه عقلت الشعر لإبداع الالحان
يخشى على مثلي يروح احترامه