لك ساعتين وخاطرك ما صفالي
ليت الشعر يرتاح من شرهة ايديك
ترى السؤال اللي بعينك سؤالي
كم قلتلك ما اخترت حبك وطاريك
جيت بحياتي مثل عمي وخالي
ما اخترتهم واغليتهم مثل ما اغليك
كنك بعمري قبل لالقاك غالي
قدام لاشوفك وأعرفك وأحاكيك
يا فرحتي بين الزعل والليالي
باي الكلام أستأذنك فيه وأرجيك
والله لو تدري وش اللي طرالي
ما تصد عني لحظة يوم أناديك
ما غير أنا وياك وش فيك سالي
كانه على النسيان ماني بناسيك
أقول لك شيء وتقطع وصالي
وأقول لك شيء وتزعل وأراضيك
تعال مره بس مرة بدالي
وتقول ساعدني وأسافر وأخليك